(¯`·._) ( تعبت أنا من أحزاني) (¯`·._)

(¯`·._) ( تعبت أنا من أحزاني) (¯`·._) Tl7

(¯`·._) ( تعبت أنا من أحزاني) (¯`·._) AAY87303

جيتك حبيبي
افضفضلك عن احزاني
وعن ماصارلي بأيامي
جيت أقول أني تعبت من الهجر
تعبت من السفر
بين الصور
ضجرت من الهجر
ومن هذا وذاك
وتعبت من اللي يصير بهالزمان
وقفت عند هذا الجدران
أشكيله واحكيله
أقوله اني هزمني البرد
وصرت ارتجف
وصرت محتاجه حنان
ومحتاجه من يدفيني من برد الزمان
محتاجه اكتب قصايد
يمكن تكون حزينه
ويمكن يكون بين سطورها
ضحكات او ابتسامات
أنا محتاجه انسي
صدقوني مابقي فيني صبر
ابي انسي ابي ابجي وابي اضحك
متشتته هالحين الافكار
ساعه احس اني ابي ابجي
وساعه احس ان الضحك بيتحول دمعات
دمعات بتسيل علي خدي
وبتحرق وقتها الوجنات
أبي وابي وابي
أبي أشياء كثيره
يمكن ابي اغني
لا الاغاني كذبه كبيره
يتسلي فيها الحيران
يمكن ابي ادندن
لا الدندنه يمكن حرام
وش ابي
وش ودي اسوي
والله انا حيرانه
علموني وش اقول
وش اسوي بحالي
انا حيرانه لا أنا حزينه
حزينه حيل علي حالي
لكن...
وين الدليل اني حزينه
ضاع الدليل وضاعت افكاري
وقفت انا حيرانه
مادري ابجي ولااضحك
ماعاد يهم
الضحك والبجي ماعاد يفرق معي
أن ضحكت او بجيت ماراح تتغير الاحوال
وأن بغيتها تتغير كيف بالله تتغير
وكيف اقهر انا المستحيل
وابدل احزاني أو امحيها من حياتي
كيف اخلي البسمه دوم علي شفاتي
علموني..
اقدر اخليها دوم تسكن شفاتي
البسمه حلوه لكن...
من يقدر يعطيني اياها
ويوقف معي ويهزم احزاني
حق منو اشكي
أشكي للزمن
ياتري بيسمعني
يوم اني اقوله ساعدني
وشيل الهم من علي كتفي
ياتري بيسمعني
يوم اني اقوله في مهب الحزن لاتتركني
يمكن يسمعني
ويمكن من حزني ينقذني
وتعود لي بسمتي
واضحك ويزول من قلبي همي
واعيش مثل غيري
سعيده بحياتي

(¯`·._) ( تعبت أنا من أحزاني) (¯`·._) KVw87303

(¯`·._) ( تعبت أنا من أحزاني) (¯`·._) KVw87303

يسامحك ربي يالفراق
حييييييييل يقهر

دمتي بود